TheGrue Menu

Kinders is vir Kerk-in-Suid baie belangrik. 

Daarom word ons kategete baie goed opgelei om die Jeug in hulle eie portuurgroepe effektief te bedien.

Kerk-in-Suid se Jeug KOOK behoorlik!!

 

Babbelbekkies (2 - 3 jaar)

Bring gerus jou kleintjies hier na ons toe!

Ons verstaan dat die outjies nog baie na aan Ma en Pa se harte en skote moet wees, maar ons wil hulle baie graag al deel maak van Jesus se familie in ons kerk.

Lokaal: Kleuterkerk

Tyd: 8:00 -9:15 (tydens eerste erediens)

Registrasie: Ouers teken kinders in tussen 7:30 -8:00 by die Kleuterkerk lokaal.

Leier: Danelle Paynter


 

Woelwaters (3 - 5 jaar)

Ons kom eers as "grootgroep" (3 -5 jariges) bymekaar en hoor en sien van God se mooiste stories in die Bybel voordat ons in kleiner groepies saam met ons Tannie opdeel om ietsie uit die dag se storie te maak om vir Pappa/Mamma te wys. Dis ook hier waar ons oor alles in ons week kan vertel en ook ietsie lekkers saam eet en drink.

Lokaal:Kleuterkerk

Tyd: 8:00-9:15 (tydens eerste erediens)

Ouers teken kinders in tussen 7:30-8:00 by die Kleuterkerk lokaal.

Leier:Danelle Paynter

 Woelwaters Jaarprogram

 

Rakkers (Gr. R-3)

Ons kom eers as "kinderkerk" bymekaar en open met liedere,verjaarsdae, kollekte en afkondigings.. Daarna leer ons lesse uit al die stories in die Bybel deur drama/poppekas/vertellings ens. Ons stap oor drie jaar dwarsdeur die hele Bybel. Hierna verdeel ons in ons kleiner klassies waar ons lief-en-leed deel, die Bybel storie in ons lewe toepas en natuurlik baie lekkers eet!

Lokaal:Popcornsaal

Tyd:8:00-9:15 (tydens eerste erediens)
Ouers teken kinders in tussen 7:30-8:00 by die saal.

Leier:Miranda du Plessis

  Rakkers Jaarprogram

 

Champs (Gr. 4-5)

Ons kom eers as "kinderkerk" bymekaar en open met liedere, verjaarsdae, kollekte en afkondigings.. Daarna leer ons prakties wat dit beteken om ‘n Christen te wees – en ons fokus veral op die 7 belangrikste verhoudings in ‘n Christen se lewe, Bybelstudie, Bid en Bekering. Daarna verdeel ons in ons kleiner groepe vir lief en leed en toepassing in ons eie lewe.

Lokaal:Jeugsentrum

Tyd:8:00-9:15 (tydens eerste erediens)
Ouers teken kinders in tussen 7:30-8:00 by die saal.

Leier:Christo Augustyn

   Champs Jaarprogram

 

EE3 (Gr. 6)

Ons kom eers as "kinderkerk" bymekaar en open met liedere, verjaarsdae, kollekte en afkondigings. Daarna fokus ons as groep op wat die evangelie en ons geloof vir ons beteken. Ons volg ‘n kinderevangelisasie kursus onder leiding van ‘n geakkrediteerde fasiliteerder. Natuurlik is daar ook baie lief en leed en sjokolades in ons groep.

Lokaal:Jeugsentrum

Tyd:8:00-9:15 (tydens eerste erediens)
Ouers teken kinders in tussen 7:30-8:00 by die saal.

Leier:Lizette Alberts

    EE3 Jaarprogram

 

Tieners (Gr. 7-11)

Die Gr.7 tot Gr.11 Jeug vorm deel van die Tienergroep wat Sondae oggende om 10:00 vergader om saam met vriende te kan kuier, hulleself kan wees en te  vereenselwig as 'n Christen Tiener in alles wat gebeur.

Met ons hele Tienerbediening mik ons op jongmense wat 'n plek soek om te behoort en om 'n verskil in God se koninkryk te kan wees. Kerk-in-Suid is die plek waar jongmense met hulle eie portuurgroepe oor die Here kan gesels en oor al die issues wat jongmense in vandag se tyd beleef.

In ons bediening is ons verhoudings wat ons as jongmense met mekaar het van kardinale belang om ons Christenskap "onbeskaamd" uit te lewe elke dag.

 

SONDAE-IN-SUID

Sondae (tydens die kwartaal)

Belydenisklas groepe - Gr 11: 10:00 - 11:15 (tydens tweede erediens)

Tieners Pelgroepe - Gr 7-10: 10:00-11:15 (tydens tweede erediens)

 

Kom connect met jouself, mekaar en God, en beleef dat hier PLEK IS VIR JOU!!

 

HIERDIE JEUGBEDIENING WIL JOU KIND BY WEES!!

Ons Jeugbediening kontakte

 

Leraar - Jeugbediening

Ds Johan 072 735 8811

This email address is being protected from spambots. You need JavaScript enabled to view it.

Leier - Kinderbediening

Ria van der Merwe: 083 703 4470

This email address is being protected from spambots. You need JavaScript enabled to view it.

Leier - Tienerbediening

Spider Delport: 082 451 1679

This email address is being protected from spambots. You need JavaScript enabled to view it.

DIE CORONAVIRUS EN ONS GEMEENTE.

  • Dienste
    Vanaf Sondag, 22 Maart tot na Paasfees 14 April 2020, hou ons saam kerk aanlyn. Op die manier kan jy steeds deel wees van Kerk-in-Suid se diensbelewenis.Die diens sal beskikbaar wees Sondae vanaf 7 uur op al ons aanlyn platvorms. Dit sal ook daarop bly, indien jy dit op 'n latere stadium wil kyk.
     
  • Kommunikasie
    Daar sal deurlopend kommunikasie deurgegee word op al ons sosiale platvorms soos Facebook, Instagram, Youtube, en ons webwerf.
     
  • Sosiale Geleenthede
    Alle byeenkomste word gestaak tot na Paasfees 14 April 2020, ons sal nader aan die tyd nuwe kommunikasie deurgee.
     
  • Ondersteunings netwerk
    In hierdie tyd moet ons as Christene mekaar ondersteun en bystaan. As Kerk-in-Suid wil ons julle ondersteun en bystaan deur onder andere pastorale gesprekke en gebed. Ons leraars is gedurende hierdie tyd heeltyd beskikbaar, kontak ons gerus op 081 050 3363 vir enige pastorale bystand. Die kerkkantoor sal ook deurlopend oop wees.

     
  • Live@7
    In ’n tyd waar isolasie ’n groot rol speel, wil ons op kreatiewe maniere voortgaan om behoeftiges te bedien. Daarom gaan ons leraars op Woensdae aande om 19h00 op Facebook live connect en met mekaar God se woord deel in gesprek en kommentaar. Ons is baie opgewonde oor die aangeleentheid en hoop dat julle almal sal inskakel
     
  • Bedieningswerk
    Kerk-in-Suid gaan voort met al ons bedienings werk, en vra julle finansiële bystand en ondersteuning om te verseker dat ons die visie van Kerk-in-Suid kan aanhou uitleef na die gemeenskap binne en na buite.

    Bydrae kan steeds gemaak word deur middel van Internet Inbetalings, Debietorders of Snapscan. Indien jy kontant wil bydra, kan jy dit by die kerkkantoor inbetaal.

Wat kan ek verwag?

Kerk-in-Suid is 'n gemeente wat ruimte skep vir ALMAL!

Hierdie is 'n vriendelike, warm gemeente met 'n buzz! 

Kerk-in-Suid is 'n vernuwende gemeente wat in die tye waarin ons leef 'n verskil wil maak en daarom is die Familie van God (oud en jonk) baie welkom hier.

"Kerk-in-Suid waar die Gees lewens en gemeenskappe verander"

Regs kennisgewing

The data and information provided on this web site and related communications are provided for information purposes only and neither Kerk-in-Suid and/or any of its subsidiaries or any of their respective directors or employees make any representations whatsoever about any data and/or any communications of whatever nature provided on this web site or on any other web site which may be accessed through this web site.

Read more...

Kontak Ons

KERK-IN-SUID (NG Wierdapark-Suid)
Kerkkantoor
 
Maandae-Vrydae (8:00 - 13:00)
Tel: (012) 653-2280 / 653-7212 
Sel: 081 050 3363
 
Buite kantoorure
Ds Johan Jv Rensburg
+27727358811 / dsjoe@ngwps.co.za
 

TOP